ក្រោយពេលផ្ទុះសង្គ្រាមនៅអ៊ុយក្រែនតម្លៃឧស្ម័ន
ឬហ្គាសនៅសហរដ្ឋអាមេរិកបានកើនឡើងថ្លៃជាបន្ដបន្ទាប់
ពោលគិតត្រឹម២សប្ដាហ៍ចុងក្រោយនេះតម្លៃឧស្ម័នបានកើនបន្ថែម ៧៩ សេនទៀត
ឬស្មើនឹងកំណើន២២% នាំឲ្យតម្លៃមានការកើនឡើងដល់ ៤ដុល្លារ៤៣សេន ក្នុងមួយហ្គាឡុង
ដែលមានរង្វាស់ជិត៤លីត្រ។
ក្រុមអ្នកវិភាគឧស្សាហកម្មប្រេងឥន្ទនៈអាមេរិកបាននិយាយថា តម្លៃឧស្ម័នទំនងជានៅតែបន្ដកើនខ្ពស់ក្នុងរយៈពេលខ្លី ដោយសារតម្លៃប្រេងឆៅក៏កំពុងកើនឡើងដូចគ្នាដែរ ចំពេលមានការព្រួយបារម្ភអំពីការផ្គត់ផ្គង់សកល ក្រោយពីមានការលុកលុយរបស់រុស្ស៊ីលើអ៊ុយក្រែន។ នេះបើតាមការចុះផ្សាយសារព័ត៌មាន AP។
គេនៅចាំបានថា
តម្លៃប្រេងឆៅធ្លាប់បានធ្លាក់ចុះខ្លាំងនៅដើមឆ្នាំ ២០២០
ខណៈដែលសេដ្ឋកិច្ចជុំវិញពិភពលោកបានបិទទ្វារដោយសារតែជំងឺ កូវីត ១៩។
ប៉ុន្ដែ តម្លៃប្រេងបានស្ទុះងើបឡើងវិញជាបណ្ដើរ
នៅក្រោយសារតម្រូវការសេដ្ឋកិច្ចបានស្ទុះងើបឡើងយ៉ាងឆាប់រហ័ស
ក្រោយវិបត្តិកូវីដ១៩ ហើយឥឡូវនេះ
វាកំពុងតែបន្ដហក់ឡើងកាន់តែខ្ពស់មែនទែនហើយ
នៅក្រោយពេលការផ្ទុះសង្គ្រាមនៅអ៊ុក្រែន។
ស្របពេលដែលតម្លៃប្រេង និងឧស្ម័ន កំពុងហក់ឡើងខ្ពស់ខ្លាំង ការកើនឡើងនៃតម្លៃថាមពលក៏កំពុងរួមចំណែកឲ្យមានកម្រិតអតិផរណាដ៏អាក្រក់បំផុត នៅអាមេរិកដែលមិនធ្លាប់បានជួបប្រទះក្នុងរយៈពេលកាលពី ៤០ ឆ្នាំមកនេះ។
នៅក្នុងសហរដ្ឋអាមេរិក តម្លៃជាមធ្យមខ្ពស់បំផុតសម្រាប់ឧស្ម័នធម្មតាគឺ មានតម្លៃ ៥ ដុល្លារ ៧៩ សេន ក្នុងមួយហ្គាឡុង ឬស្មើនឹងប្រហែលជិត៤លីត្រ។
យោងតាមការស្ទង់មតិ នៅ២សប្ដាហ៍មកនេះ
តម្លៃជាមធ្យមនៃប្រេងម៉ាស៊ូត ក៏បានកើនឡើងផងដែរ កើនឡើងបន្ថែម ១ ដុល្លារ ១៨
សេន នាំឲ្យតម្លៃប្រេងម៉ាស៊ូតកើនដល់ ៥ ដុល្លារ ២០ សេន ក្នុងមួយហ្គាឡុង
ឬជិត៤លីត្រ។
សូមបញ្ជាក់ថា ស្របពេលដែលតម្លៃឧស្ម័នកំពុងកើនឡើងខ្ពស់ មានបណ្ដារដ្ឋជាច្រើននៅអាមេរិក ថ្មីៗនេះបានអំពាវនាវឲ្យរដ្ឋាភិបាលផ្អាកយកពន្ធឧស្ម័ន ក្នុងការជួយសម្រួលបន្ទុកចំណាយពលរដ្ឋ។
តែយ៉ាងណាមិញ ក៏មានអ្នករិះគន់លើសំណើនេះដែរ ដោយលើកឡើងថា
វាមិនមានការធានាថាការសន្សំប្រាក់ពីការកាត់បន្ថយពន្ធឧស្ម័ននឹងទៅដល់អ្នកប្រើប្រាស់នោះទេ
ហើយគេបារម្ភថាការផ្អាកការយកពន្ធឧស្ម័នអាចប៉ះពាល់ដល់មូលនិធិសម្រាប់គម្រោងអភិវឌ្ឍហេដ្ឋរចនាសម្ព័ន្ធផ្លូវថ្នល់របស់រដ្ឋាភិបាលអាមេរិកផងដែរ។
នាំមកជូនដោយ៖W88 Cambodia | W88 Khmer
ប្រភព៖ cambonomist.com
0 comments:
Post a Comment