ចេញក្រៅផ្ទះ ក៏ត្រូវពិន័យជាសាច់ប្រាក់ដែរ? Covid19

កូរ៉េខាត្បូង៖ ម្ដាយនិងកូនស្រីនៅប្រទេសកូរ៉េ ត្រូវបានគេជឿថា នឹងត្រូវរងការពិន័យជាទឹកប្រាក់រាប់រយលាន​វ៉ុន​ (១០០លានវ៉ុន = ~ ៨២,០០០ ដុល្លារ) បន្ទាប់ពីបានធ្វើដំណើរជុំវិញ Jejudo​ រយៈពេល ៥ ថ្ងៃ ៤ យប់​ខណៈពួកគេបានឆ្លងវីរុសកូវីដ១៩។

ក្រៅពី Jejudo ភោជនីយដ្ឋាន និងអាជីវកម្មរាប់សិបដែលបានបិទទ្វារដោយសារលទ្ធផលនៃការបញ្ជាក់របស់ម្តាយ និងកូនស្រីដែលមានCOVID-១៩នេះ។​ ហើយគេរំពឹងថា នឹងគិតថ្លៃពីពួកគេចំពោះសំណង​សម្រាប់ការខាតបង់ មានន័យថាតួរលេខនេះនឹងបន្តកើនឡើង។

នៅថ្ងៃទី ២៧ ខែមីនា Jejudo បានប្រកាសថាពួកគេគ្រោងនឹងគិតថ្លៃសំណងពីម្តាយ និងកូនស្រីយ៉ាងហោច​ណាស់ ១០០ លានវ៉ុន (~ ៨២.០០០ ដុល្លារ) ចំពោះការខូចខាត។

Jejudo

លោកស្រី ក (ម្តាយអាយុ ៥២ ឆ្នាំ) និងកញ្ញា ខ (កូនស្រីអាយុ ១៩ ឆ្នាំជានិស្សិតនៅសហរដ្ឋអាមេរិក) បានចាប់ ផ្តើមដំណើរ ៥ ថ្ងៃ ៤ យប់នៅ Jejudo នាថ្ងៃទី ២០ ខែមីនា តែនៅថ្ងៃទី ២៥ និង ២៦ ខែមីនាពួកគេត្រូវបាន​បញ្ជាក់ថាមាន COVID-១៩ ។​(ឈ្មោះអ្នកទាំងពីត្រូវបានគេលាក់)

យោងតាម Jejudo បានអោយដឹងថាកញ្ញា ខ ធ្លាប់មានរោគសញ្ញា COVID-១៩ ដូចជាញាក់ និងឈឺសាច់ដុំ​ ប៉ុន្តែម្តាយ និងកូនស្រីក៏ដូចជា ៣ នាក់ទៀតបានជួលឡាន និងទៅមើលតំបន់ទេសចរណ៍ប្រមាណ ២០ កន្លែងនៅ ថ្ងៃបន្ទាប់។

Jejudo បានសម្តែងថា ពួកគេបានចាត់ទុកថា អាកប្បកិរិយានេះគឺជាចេតនាសម្រាប់ហេតុផលដែលកញ្ញា ខ បាន មកដល់ Jejudo ហើយបើទោះបីជាមានរោគសញ្ញា ​និងបានទៅមន្ទីរពេទ្យនៅថ្ងៃទី ២៣ ខែមីនាក៏ដោយ​ ក៏ពួកគេបានឆ្លងកាត់វិស្សមកាលហើយដែរ។

ការប្ដឹងដាក់ទោសលើកញ្ញា ខ

ដូចច្នេះ Jejudo បច្ចុប្បន្នកំពុងគណនាចំនួនសំណងសម្រាប់ការខូចខាត ដែលគួរតែត្រូវបានគេចោទប្រកាន់ចំពោះ គ្រោះថ្នាក់ ដែលម្តាយ និងកូនស្រីបានប្រព្រឹត្ត។

Jejudo គ្រោងនឹងបញ្ជាក់ពីគំនិតរបស់អាជីវកម្មដែលនឹងចូលរួមក្នុងការចោទប្រកាន់ក្នុងគោលបំណងដាក់ពាក្យ បណ្តឹងជាផ្លូវការ និងពិនិត្យមើលករណីនេះចំពោះការទទួលខុសត្រូវព្រហ្មទណ្ឌណាមួយ៕

ប្រភព៖ Khmerload