ពត៌មានល្អណាស់! កម្ពុជា មិនមានអ្នកវិជ្ជមាន កូវីដ១៩ ទេ សំរាប់ប៉ុន្មានថ្ងៃនេះ

ក្រសួងសុខាភិបាល បានប្រកាសឲ្យដឹងថា ត្រឹមម៉ោង៧ ព្រឹកថ្ងៃទី ០៦ មេសា ២០២០ នេះ កម្ពុជាមិនមានអ្នកវិជ្ជមានកូវីដ១៩ថ្មីទេ ប៉ុន្តែមានអ្នកជាសះស្បើយ៣ នាក់ ធ្វើឲ្យចំនួនអ្នកជាសះស្បើយកើនឡើង ៥៣នាក់ និងអ្នកឆ្លងកូវីដ ១៩ ចំនួន ១១៤ នាក់ដដែល។ អ្នកជាសះស្បើយបីនាក់នោះជាបុរសជនជាតិម៉ាឡេស៉ី មកធ្វើការសាសនានៅស្រុកកងមាស ខេត្តកំពង់ចាម។

គួរបញ្ជាក់ថា ៣ ថ្ងៃជាប់គ្នា ដែលកម្ពុជាមិនមានករណីវិជ្ជមានកូវីដ១៩ថ្មីទេ តែលោកជំទាវ ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល បានបញ្ជាក់ប្រាប់ថាចំពោះការរកមិនឃើញវិជ្ជមាន កូវីដ-១៩ ថ្មីជាប់គ្នានេះ ជារឿងល្អសម្រាប់កម្ពុជា ប៉ុន្តែលោកជំទាវបានអំពាវនាវដល់ពលរដ្ឋទាំងអស់មិនត្រូវប្រហែសខ្លួនក្នុងការការពារខ្លួនអោយគេចផុតពីការឆ្លងរាលដាល កូវីដ-១៩ នោះទេ។

ប្រភព៖ https://khmernote.com.kh/news/81072